Apple компани шинэ iPhone 15 Pro болон iPhone 15 Pro Max-ийг танилцууллаа

Бидний бодлоор ерөнхийдөө iPhone 15 Pro/Pro max загварууд илүү бат бөх, урьд загвараасаа илүү хурдтай болон камер нь сайжирсан байна. Хамгийн том чухал зүйл гэвэл USB-C тэй болжээ. Олон жил хүлээлгэсэн USB-C ингэж нэг бодит боллоо. Бас нэг хэрэгцээтэй функц нь хэт чимээтэй үед чимээг илүү дардаг функц нь хэрэглээнд чухал санагдлаа. Мэдээж график боловсруулах хурд, титан гадаргуу болон өнгө гээд олон шинэ зүйлс нэмэгдсэн ч энгийн хэрэглээнд ашигладаг хэрэглэгчдэд бол нарын өөрчлөлт мэдрэгдэхгүй л болвуу гэсэн сэтгэгдэл төрлөө. Гэхдээ мэдээж шинэ технологи, шинэ инновац гэдэг чинь сайхан мэдээ шүү дээ. За ингээд Usashop.mn залуус нь аль чадахаараа нэг мэдээлэл бэлдлээ.

Шинэ iPhone 15 Pro контуртай ирмэг бүхий бат бөх, хөнгөн титан хийц, шинэ төрлийн Action товчлуур, камерын сайжруулалт, гар утасны тоглоомд зориулсан A17 Pro чиптэй болжээ. Мөн iPhone 15 Pro Max загварын багтаамжийн сонголт нь хамгийн доод тал нь 256GB болжээ.

Титан хийцтэй болсноор илүү хөнгөн, удаан эдэлгээтэй бат бөх болжээ

6.1 ба 6.7 инчийн хэмжээтэй iPhone 15 Pro болон iPhone 15 Pro Max нь iPhone-д зориулсан анхны титан хийцийг танилцууллаа. Сансрын хөлгө хийхэд ашигладаг энэхүү дээд зэрэглэлийн материал нь бат бөх бөгөөд жингийн хувьд маш хөнгөн юм байна. Ингэснээр Apple-ийн хамгийн хөнгөн Pro цуврал болж байгаа юм байна.

Энэ хоёр загвар хоёулаа гөлгөр ирмэгтэй, урьд нь iPhone дээр харж байгаагүй хамгийн нарийхан хүрээтэй болсон юм байна. Pro загвар нь титан гадаргуутайгаас гадна утасны арын шилэн гадаргүйн бат бөх чанар нь сайжирчээ. Харин нүүрэн талын шил Керамик гадаргын хамгаалалттай болсон нь ухаалаг утасны зах зээлд шилэн гадаргуун чанарыг дахин нэг шатаар ахиулсан байна.

A17 Pro чип: iPhone-д зориулсан Apple Silicon-ийн шинэ үе

iPhone 15 Pro болон iPhone 15 Pro Max нь 3 нанометрийн чип бүхий шинэлэг A17 Pro-г багтаасан нь салбартаа анхдагч боллоо. Урьд загвараасаа CPU нь 10% хүртэл хурдан болжээ.Neural Engine нь одоо 2 дахин хурдан болсон байна. GPU буюу график боловсруулах хурд нь 20% -р илүү болжээ. Ингэснээр тоглоом тоглох, тусгай чиглэлийн аппаар видео засах янзлах зэрэгт мэдэгдэхүйц хурдтай болсон байна.

iPhone 15 Pro дээр Resident Evil Village, Resident Evil 4, Death Stranding, Assassin' s Creed Mirage зэрэг гарчигтай консолын түвшний тоглоомын тоглох боломжтой хэмжээнд хүрч байна.

Хүчирхэг Pro камерын систем

iPhone 15 Pro болон iPhone 15 Pro Max -ийн камер нь урьдын загвараас илүү сайжирсан ба энэ A17 Pro чипийн тусламжтайгаар маш олон боломжийг шинээр нээж байгаа юм байна. iPhone 15 Pro болон iPhone 15 Pro Max - аар авсан зургууд нь илүү тод нарийвчилсан, илүү тод өнгө, бага гэрлийн гүйцэтгэлтэй болж байна. Мөн анх удаа хөрөг (Portrait mode) горимд шилжихгүйгээр хөрөг зураг авах боломжтой болжээ.

Дараагийн түвшний утасгүй холболт ба технологийн чадвар сайжирсан байна

USB-C тэй болсон. Ингэснээр та наад зах нь AirPod ч юм уу iWatch-аа USB-C гээр цэнэглэх боломжоос авхуулаад утсаа компьютертой холбох, илүү хурдаар их хэмжээний дата утас компьютер хоорондоо зөөх боломжтой болжээ. Мэдээж наад зах нь утасны цэнэг дуусахад хаа сайгүй Apple цэнэглэгч байдаггүй ч харин хаа сайгүй л USB-C цэнэглэгч байдаг шүү дээ. iPhone 15 Pro болон iPhone 15 Pro Max USB 3 дэмждэг ба дата хуулалт шилжүүлэлтийн хурд нь 10 гегабайтыг 1 секундэд хуулах дамжуулах чадвартай болжээ. Энэ нь урьдынхаасаа 20 дахин хүртэлх илүү хурдтай болсон юм байна.

iPhone 15 Pro болон iPhone 15 Pro Max хоёулаа хоёр дахь үеийн Ultra Wideband чиптэй бөгөөд энэ чиптэй хоёр iPhone төхөөрөмжийг өмнөхөөсөө гурав дахин хол зайд холбох боломжтой болсон байна. Жишээ нь найзуудаа олох функцээр iPhone 15-ийн хэрэглэгчид олон хүн цугларсан газар ч байршлаа хуваалцаж, бие биеэ илүү өргөн зайд хол байсан ч илүү нарийвчилсан байршлаар олох боломжтой болжээ. Энэ холболтын аюулгүй байдал нь илүү сайжирсан нь хэрэглэгчдэд энэ функцийг сэтгэл амар хэрэглэх боломжийг бүрдүүлсэн гэнэ шүү.

iPhone 15 Pro болон iPhone 15 Pro Max нь одоо Wi-Fi 6E-г дэмждэг болсон байна, утасгүй холболтын хурд 2 дахин ихэссэн байна. 5G дэмждэг бас MagSafe Qi2 утасгүй цэнэглэгчээр цэнэглэх боломжтой болсноос гадна нэг хийгдсэн чухал сайжруулалт нь утсаар ярьж байхад шуугиантай чимээтэй үед тусгай дуу тусгаарлалт функцээр илүү чимээгүй болгож тод ярих боломжтой болжээ. Бодит сим карт байхгүй харин eSim-тэй ба энэ дэлхийн 295 операторын сүлжээнд ажиллах боломжтой юм байна.

Албан ёсны барааны танилцуулга нь: https://www.youtube.com/watch?v=xqyUdNxWazA

Яагаад манайхаар захиалж авах нь зөв сонголт вэ гэж үү. Яагаад гэвэл манайх захиалж авсан хэрэглэгчдийнхээ утасны баталгаат хугацаанд нь хамт байж хэрвээ үйлдвэрийн гэмтэл илэрвэл Apple дээр үнэгүй засуулж, солиулж өгөх гэх мэт таны итгэлийг алдахааргүй залуус Америкт байж байгаа болон энэ төрлийн үйлчилгээг 12 жил тасралтгүй хийсэн туршлагатай болохоор сэтгэл амар захиалгаа хийгээрэй. Дан Apple-аар зогсохгүй ер нь юу хүссэнээ л Америкаас захиалаарай. Ердөө www.usashop.mn гээд ороход л Америк дахь хамаатнаас хямдхан бас хурдан цогц үйлчилгээ таныг хүлээж байгаа шүү. Баярлалаа.