Яагаад USASHOP.mn-ээр захиалга хийх нь зөв сонголт вэ?

АМЕРИКИЙН ЗАГВАР:

Бидний санал болгож буй iPhone утаснууд нь АНУ-аас ирсэн LL/A кодтой, үйлдвэрийн лац, баглаа боодолтойгоор таны гарт хүргэгдэнэ. Энэ нь таны гар дээрх утасны чанар, оригинал байдалд бүрэн итгэх боломжийг олгоно.

БАТАЛГАА:

USASHOP.mn-с захиалсан бүх утас 1 жилийн үйлдвэрийн баталгаатай. Хэрэв үйлдвэрийн гэмтэл илэрвэл, бид таны утсыг АНУ руу буцаан татаж, Apple-ийн албан ёсны засварын төвд үнэгүй засварлах буюу солих үйлчилгээг санал болгодог. Энэ бүх үйл ажиллагаанд таны зүгээс ямар нэгэн нэмэлт төлбөр гарахгүй. Үйлдвэрийн баталгаа нь таны утсыг Activate хийсний дараа автоматаар идэвхжих ба та энд орж утасны сериал дугаарыг ашиглан баталгааны мэдээллийг шалгах боломжтой.

Apple компани iPhone 16 болон iPhone 16 Pro
загварын шинэ утаснуудаа танилцууллаа.

Шинэ загвар нь дөрвөн өөр төрлөөр гарсан бөгөөд урьдчилсан захиалга нь өнөөдрөөс эхэлж, есдүгээр сарын 20-ноос худалдаанд гарахаар төлөвлөгдөж байна.

iPhone 16 загварын онцлог нь Apple Intelligence хиймэл оюуны технологийг үйлдлийн системдээ шингээсэнд оршиж байгаа юм. Мөн камерын систем сайжирч, шинэ үеийн процессортой, шинэ товчлууртай болсон байна.

КАМЕР

iPhone 16 ба 16 Plus загварууд нь 48MP үндсэн, 12MP хэт өргөн өнцгийн камеруудаар тоноглогдсон, өмнөх iPhone 15 загваруудтай ижил үзүүлэлттэй. Харин iPhone 16 Pro загварууд нь 48MP үндсэн, 48MP хэт өргөн өнцөг, 12MP 5X zoom татах камерын системтэй болсон байна.

Томоохон сайжруулалт нь өмнөх 3Х zoom камерийг 5Х zoom болгон шинэчилсэн явдал юм. Мөн ultrawide дуран нь өмнөхөөсөө 2.6 дахин их гэрэл мэдрэх чадвартай болж, гэрэл багатай орчинд илүү чанартай зураг авах боломжтой болжээ.

Spatial Video, Spatial Photo зэрэг нэмэлт боломжууд нь Vision Pro төхөөрөмжид тохирсон бөгөөд камер нь 4K видеог 120 fps түвшинд бичих чадвартай болжээ. iPhone 16 Pro загварууд студийн түвшний дөрвөн микрофон ашиглан Spatial Audio дуу авиаг бичиж, түүнийг AirPods болон Vision Pro зэрэг төхөөрөмжүүдээр тоглуулах боломжтой.

ПРОЦЕССОР

Бүх iPhone 16 загварууд Apple-ийн хамгийн сүүлийн үеийн А18 процессортой бол, iPhone 16 Pro загварууд А18 Pro процессороор тоноглогдсон. Энэ нь өмнөх 15 загвараас 30% илүү хурдан, 12 загвараас 50% илүү хурдан ажиллах боломжийг олгож байна. Мөн график процессор нь өмнөхөөс 40%-иар илүү хурдан болсон байна.

APPLE INTELLIGENCE

Шинэ Apple Intelligence технологи нь iPhone 16 загварууд болон iPhone 15 Pro хувилбаруудад ашиглагдах бөгөөд гараар бичсэн тэмдэглэлийг бүтэн өгүүлбэр болгон мессеж эсвэл баримт болгон хувиргах, текстээс зураг үүсгэх зэрэг олон боломжуудыг олгодог. Түүнчлэн Siri дуу хоолойгоор удирдаж, бичгээр ч харилцах боломжтой болсон байна.

ДЭЛГЭЦ

iPhone 16 Pro загваруудын дэлгэц өмнөх загвараасаа томорч, iPhone 16 Pro нь 6.1 инчээс 6.3 инч, iPhone 16 Pro Max нь 6.7 инчээс 6.9 инч болжээ. Мөн Apple-ийн дэлгэцийн шил нь өнөөгийн зах зээлд байгаа аль ч утасныхаас хоёр дахин бат бөх гэж онцолсон байна.

ДИЗАЙН

iPhone 16 загварууд нь хөнгөн цагаан, харин iPhone 16 Pro загварууд титан хүрээтэй үйлдвэрлэгдсэн. Өнгөний хувьд 16 загварууд Ultramarine, Teal, Pink, White, Black, харин 16 Pro загварууд Black, White, Natural, Desert Titanium өнгөтэй гарч байна.

ШИНЭ ТОВЧ

iPhone 16 загваруудад Camera Control нэртэй шинэ товчлуур нэмэгдсэн бөгөөд энэ товчийг нэг дарахад камер нээгдэх, хоёр дарахад зураг авах, удаан дарахад дүрс бичлэг эхлэх зэрэг үйлдлийг хийж болно. Мөн “silent” товчийг Action товчоор солихоос гадна хөгжүүлэгчид үүнийг өөрсдийн аппликейшнд зориулан программчилж болох юм.